irgendwos is imma
amol is das zhas a ondas mol weads nit woam
im winta weads nit kolt konnst im kabrio offn foan
am beag obn da schneibns an maschinschnee da echte is nit in sicht
olles laft grod ondas weil di natua unsre regln bricht
irgendwos is imma imma is irgendwos
wos du grod nit so wülst di nit drauf eingstöllt host
irgendwos is imma imma is irgendwos
wos si grod nit so spült wias du auf dein büldschiam host
amol host ka glick donn kummt a noch pech dazua
so sea du di a bemühst dos schicksol gibt ka ruah
olles wiad imma lauta da stress und die hektik nehmen zua
du suachst ruhe stille friedn doch davon gibts nit gnua
irgendwos is imma imma is irgendwos
wos du grod nit so wülst di nit drauf eingstöllt host
irgendwos is imma imma is irgendwos
wos si grod nit so spült wias du auf deim büldschiam host
und wonn du glabst du konnst dei schicksol übalistn
weil du so cleva bist
do zagts da glei die gölbe koatn damit dus nit vagisst
irgendwos is imma imma is irgendwos
wos du grod nit so wülst di nit drauf eingstöllt host
irgendwos is imma imma is irgendwos
wos si grod nit so spült wias du auf da rechnung host
irgendwos is imma imma is irgendwos wos du grod nit so wülst di nit drauf eingstöllt host
irgendwos is imma imma is irgendwos wos du grod nit so wülst di nit drauf eingstöllt host
irgendwos is imma imma is irgendwos wos si grod nit so spült wias du auf da rechnung host
irgendwos is imma du konnst mochn wos du wülst imma is irgendwos



wast es eh
zwa jugndfreind noch longa zeit treffn sich ols olte leit
servas olta sog wia gehts da mia is so ols wars wia gestan
dass mia uns east gsegn hom mein gott san de joa vaflogn
jo na i sog es is ols kloa mia samma wompat und hom graue hoa
i geh söltn fuat bleib gean daham weil i was dass i nix vasam
moch niama olles mit schau oft nua zua bin holt nimma da wülde bua
wast es eh wias so geht meistns guat monchmol bled
passt schon geht schon keine frage noch bin ich der herr der lage
fia olympia tränian hot wenig sinn weu in mein olta i nimma gwinn
mei karriere di neigt sich es tuat ma leid schifoan geh i nua zu meina freid
so vül i a gmocht hob und wos solls i mochs nua mea fia mi bis mi da krampus holt
wast es eh wias so geht meistens guat monchmol bled
passt schon geht schon kane klogn sog amol wea losst den frogn
passt schon geht schon kane klogn sog amol wea losst denn frogn



lug & trug
heite is und gestan woas und muagn is a schon wieda
schlog di zeitung auf scholt dei radio ein im fernsehn do sigst di bülda
mit reinstn gwissn tuan se liagn das dämme brechn und sich bolkn biagn
moral und onstond is fuat valuan sog wos is denn nua aus uns wuan
medien monetn mocht wos hobts ia nua aus uns gmocht
medien monetn mocht wos hobts ia nua aus uns gmocht
londein londaus es is a graus fia di grösste goschn gibts no applaus
ohne rot zu weadn wiad do glogn hemmungslos wead do betrogn
es regiat nua lug und zua lug keat trug und de hom imma no net gnuag
mit grosse augn schau ma on de schnolln und lossn uns a olles gfolln
medien monetn mocht wos hobts ia nua aus uns gmocht
medien monetn mocht wos hobts ia nua aus uns gmocht
und imma wida gült da spruch
holt du se dumm i holt se oam so samma scho imma am bestn gfoan
so bleim se oam so bleim se bled damit des imma so weita geht
lug und trug de san wia gschwista pfora wissns und minista
da dreck wead untan teppich keat damit noch aussn olles sauba wead
er red von moral er red von recht doch wonnst gnau hinschaust wead da schlecht
er is da täta und nit des opfa doch bis nimma geht liagt a topfa
medien monetn mocht wos hobts ia nua aus uns gmocht
medien monetn mocht wos hobts ia nua aus uns gmocht
holt du se dumm i holt se oam so samma schon imma am bestn gfoan
so bleim se oam so bleim se bled damit unsa dreckspül so weitageht
holt du se dumm i holt se oam so samma schon imma am bestn gfoan
so bleim se oam so bleim se bled damit unsa dreckspül so weitageht
medien monetn mocht wos hobts ia nua aus uns gmocht
medien monetn mocht wos hobts ia nua aus uns gmocht



treibholz
i steh untn am fluss mei blick rauscht mit üba stana vawoschn in tausnd von joa
das wossa bringt mit dos wossa treibt fuat wos auf eam schwimmt und amol wo ondas woa
do schimmt treibholz treibholz do schwimmt treibholz treibholz
da wind vatreibts dos wossa holts da wind vatreibts dos wossa holts
hint an stan is ruhig und grian kuaz vaschnaufn bevuas weitaschwimmt
schon reissts weita es gibt ka woatn weil di strömung olles mit sich nimmt
do schwimmt treibholz treibholz do schwimmt treibholz treibholz
da wind dea treibts dos wossa holts dea wind dea treibts dos wossa holts
i sig wos do kummt sig wos do schwimmt und sig a wida wias varinnt
grod woas no do doch glei treibts weita bis da augnblick vaschwimmt
do schwimmt treibholz treibholz do schwimmt treibholz treibholz
vom wind vatriebn vom wossa gholt vom wind vatriebn vom wossa gholt
doe wossa bringt mit dos wossa trogt fuat wos auf iam schwimmt und mit iam rinnt
grod woas no do doch schnöll rinnts weita bis da augnblick vaschwimmt
monchmol bin i wia a treibholz i reiss los und mi reissts mit
monchmol bin i wia a treibholz mi reissts los und i reiss mit
monchmol bin i wia a treibholz i reiss los und mi reissts mit
monchmol bin i wia a treibholz i reiss los und i reiss mit i reiss los und i reiss mit
monchmol bin i wia a treibholz mi reissts los und mi reissts mit
monchmol bin i wia a treibholz i reiss los und i reiss mit i reiss los und i reiss mit
i reiss los und mi reissts mit



nia zfruah
ob i geh oda ob i bleib ob i wos sing oda ob i wos schreib
ob i wan oda ob i loch ob i schlofn geh oda i bleib anfoch woch
gonz egal wo i bin und wos i grod tua
es is nia zspät dafia und es is a nia zfruah
es is nia zfruah dafia es is nia zspät
ob i faul bin oda ob wos gscheits tua
ob i wos red oda i hea dia nua zua
ob i wos was oda nix vasteh ob i am bodn bin oda voll auf da höh
gonz egal wo i bin und wos i grod tua
es is nia zspät dafia und es is a nia zfruah
es is nia zfruah dafia und es is nia zspät
es is nia zfruah dafia und a nia zspät
gonz egal wo i bin und wos i grod tua
es is nia zspät dafia und es is a nia zfruah
es is nia zfruah dafia und es is nia zspät
es is nia zfruah dafia und a nia zspät
es is nia zfruah dafia und a nia zspät



voller mond
schon wieda so a nocht find kan schlof bin imma noch woch
voller mond dea nimmt nit ob von da kiachtuamua kummt a schlog
i denk zruck und i denk vua find kan ausstieg find ka ruah
bülda kummen wean zum film i bin dabei und mittndrin
bin reschisör und bin statist spiel mei rolln so wia sie ist
i sieg szenen wia es woa und wos noch kummt stöll i mia voa
sig die vagongenheit stück fia stück und sog zu mia hob i a glück
konn nix mea ändan on dem wos woa und hob noch sovül lebn voa
in den fülm do gibts kan schnitt nix wead glöscht olles kriag i mit
do gibts schottn do gibts licht a folsche seitn de gibts nicht
do gibts a höh do gibts a tol und ob i fliag oda ob i foll
do gibts nehmen und mea gebn und die frog wos zöhlt im lebn
do gibts den himml und die höll und die letzte frog di i stöll
und weita in die nocht suach den schlof bin imma noch woch
dea mond voll gölb und hell hea die tuamuaschläge schnöll
loss gedonkn los und frei drah mi um und denk dabei wias ma geht und
wia sichs fühlt wenn man im film des lebns spielt
in den film do gibts kan schnitt nix wiad glöscht olles kriag i mit
do gibts schottn do gibts licht a folsche seitn de gibts nicht
do gibts a höh do gibts a tol und ob i fliag oda ob i foll
do gibts nehmen und mea gebn und die frog wos zöhlt im lebn
do gibts den himml und die höll und die letzte frog die i stöll



wintawetta
bevua da winta kummt ramst noch zom dein krempl
laare floschn bringst deim hendla zruck
beim bäcka kriagst an stempl
fia kundntreie brotobholung und ob und zua a semmln
fia a liabes wuat und wias wetta wiad
und di sun scheint höll am himml
bevua da winta kummt drahst im goatn ob des wossa
deckst deine bluamen zua weu da frost is a bluamenhossa
donn möldest dei motorradl ob im winta foast kan meta
schaust zum himml aufe riachst es schon bold kummt wintawetta

bold kummt wintawetta da frost und es wiad költa
bold kummt wintawetta da frost und es wiad költa

bevua da winta kummt hockst brennholz fia dein ofn
weu wonn a feia brennt konnst schen im woamen schlofn
kriagst sölba gschtrickte handsch und a koppn gegns oahnweh
nimmst an obstla oda an rum zum eine tuan in tee
bevua da winta kummt denkst no amol zruck on summa de longen tog de woamen nächt
doch da summa dea is uma
auf da olm is schon weiss aufm see des easchte eis
schon fria weats jetz dumpa und nimma long donn kummta

bold kummt wintawetta da frost und es wiad költa
bold kummt wintawetta da frost und es wiad költa....



long hea
die zukunft vua uns des lebn so jung ka gfoa von nirgends imma aufn sprung
long mein gott long is hea
nua nix vasamen imma mitn drin stölln olls in froge suachn nochm sinn
long long is hea
long long is hea long so long is schon hea
die joa varinnen jeda draht am rod um wos zu ändan wiats longsom spot
long mein gott long is hea
wo kummst denn hea wo wülst du no hin vielleicht duathin wo i schon gwesn bin
long long is hea
long long is hea long so long is schon hea
fria woa nit olles bessa und schon goa nit olles guat doch fria homma weate ghobt
und a gwusst wos ma nit tuat es hot regln und orientierung gebn und wonnsts brauchst host
gibts an holt die zukunft hot no zukunft ghobt und mia woa no nit so kolt
long long is hea
dei wuat hot goltn dei hondschlog a heit brauchst vaträge am bestn glei zwa
long wia long is des schon hea
dos wöltgefüge is so instabil fria host du glei gwusst wos a jeda wül
long schon ewig long is hea
long long is hea long so long is schon hea
heit bist vanetzt cybaintegriert domols drei programme doch informiert
long so long is schon hea
deine facebookfreunde glabst de stehn auf di fria host du an ghobt oba den fia di
long ewig long is hea
long long is hea long so long is schon hea
fria woa nit olles bessa und schon goa nit olles guat doch fria homma weate ghobt
und a gwusst wos ma nit tuat es hot regln und orientierung gebn und wonnst brauchst host
kriagst an holt die zukunft de hot no a zukunft ghobt und mia woa no nit so kolt
long ewig long is hea long mein gott long is hea
long es is schon so long hea long long is hea



wonn i mi frog
wonn i mi frog wos is heit fia tog und du gibst ka ontwuat mia drauf
donn was i es is woah dass gestan grod heite woa und muagn schon bold heite is
wonn i di frog glabst dass i di mog und du gibst ka ontwuat mia drauf
donn was i es is gwiss dass i di mog so wia du bist und des wead bleibn grod so wias is
ois wos woa bleibt wias woa ois wos is is wias is
wonn i mi frog wos is heit fia tog und wieviel zeit bleibt da gegnwoat
es gibt ka ua dafia sie kummt hea und is bei mia grod so long wia i sie gspia
wonn i di frog glabst dass i di hob und du gibst ka ontwuat mia drauf
donn was i du host mi und vielleicht hob i a di oba sicha bin i mia do nie
ois wos woa bleibt wias woa ois wos is is wias is
wonn i donn sog heit is a guata tog und du gibst ka ontwuat mia drauf
donn was i es nit gwiss ob ois bleibt grod so wias is und wonn kummen wead wos no kummen muass
ois wos is is wias is ois wos kummt kummt wias kummt



vom glabn,brauchn,wissn
du deafst nit olles glabn, wos se da dazöln
trau a net den büldan de se ins netz eine stölln
moch di augn auf schau genau hin die woaheit is gonz allan
nua dea dea ohne schuld is dea schmeisst den eastn stan
glab nit olles wos du sigst glab on di und dass du di nit beliagst
du konnst nit olles hobn host goa kan plotz dafüa
des wos du brauchst das kriagst du tua holt wos dafüa
übaleg da wos is wichtig und wos is eh nua müll
dos wichtigste des kost nix füan müll zohlst vül zu vül
glab on di und denk noch wos wichtig is wichtig is gonz wenig und den
rest - vagiss
du konnst nit olles wissn und schon goa nit olls vastehn
da mond steht a am himml a wonn ma ihn nit segn
auf viele frogn gibts ka ontwuat a wonn du di no so plogst
drum is es oft vül bessa wonn du dia anfoch sogst
i glab on mi und i glab on di doch i glab nit olles wos i hea und sig
i glab on di und i glab on mi doch i glab nit olles wos i hea und sig
i glab i hea nit recht wos i do hea
i glab i sig nit recht wos i do sig
i glab i hea nit recht wos i do hea
und i glab i sig nit recht wos i do sig
i glab i hea nit recht
i glab i sig nit recht
dos is ja kaum zu glaubn wos i da sig